Эрүүл хооллолт, дасгал хөдөлгөөн гэх мэт нь бие махбод болон сэтгэл зүйд маш хэрэгтэй гэдгийг бид бүгд мэднэ. Үүний нэгэн адил бүтэн нойр авах нь ч мөн адил бидний эрүүл мэндэд чухал бөгөөд урт хугацаанд эрүүл явахад тусална. Судалгаанаас үзэхэд хүмүүсийн наснаас хамаарч өдөрт унтах ёстой цаг нь харилцан адилгүй байдаг байна. Жишээлбэл
- Нярай хүүхэд (4-11 сар)- 12-15 цаг
- Сургуулийн насны хүүхэд (6-13 нас) – 9-11 цаг
- Өсвөр насныхан (14-17 настай) – 8-10 цаг
- Залуу насанд хүрэгчид (18-25 нас) – 7-9 цаг
- Насанд хүрэгчид (26-64 нас) – 7-9 цаг
- Хөгшчүүл (65+) – 7-8 цаг
Бүтэн нойр авах нь бие махбодын эрүүл мэндэд:
- Зүрх болон тархины үйл ажиллагааг дэмжинэ.
- Дархлаа дэмжинэ.
- Архаг үрэвслүүдээс хамгаална.
- Жин барихад дэмжлэг үзүүлнэ.
- Альцгеймерийн өвчнөөс сэргийлнэ.
- Чихрийн шижин болон хорт хавдраас сэргийлнэ.
Сэтгэл санаанд үзүүлэх нөлөө
- Сэтгэл гутралд орохоос сэргийлнэ.
- Стрессээ удирдахад тусална.
- Төвлөрөлт сайжруулж идэвхтэй байдлыг дэмжинэ.
- Сэтгэл санааны байдал болон нийгмийн харилцааг дэмжинэ.
- Ой тогтоолтыг сайжруулна.
Тэгвэл хэрхэн бүтэн нойр авах вэ?Ургамлын цай уух - ургамлын цай нь тайвшруулах үйлчилгээтэй байдаг бөгөөд унтахаас 1 цагийн өмнө уух нь зохистой. Бүлээн ус, халуун шүршүүрт орж түр суух - Энэ нь таны биеийг тайвшруулж биеийн булчингуудыг сулруулж унтахад бэлдэж өгдөг байна. Ном унших - Тайван уянгын зохиол унших нь таныг хурдан унтахад туслах бөгөөд аймшгийн эсвэл зөгнөлт зохиол уншихгүй байхыг зөвлөж байна.Мэдрэмжийн тэмдэглэл хөтлөх - Бидний тархи хийж байсан үйлдэл болон маргааш хийх ёстой зүйлсээ бодсоор унтахад бэрх байдаг, харин унтахаасаа өмнө бодол болон мэдрэмжээ тэмдэглэлдээ буулгах нь тархиа тайвшруулж байгаа явдал юм. Унтахаасаа цагийн өмнө электрон төхөөрөмжүүдээс зайлсхийх - электрон төхөөрөмж ашиглах нь таны тархийг илүү сэргээж өгдөг учраас 1 цагийн өмнө төхөөрөмжүүдээ хойш тавиарай.Бид ойролцоогоор амьдралынхаа гуравны нэгийг унтаж өнгөрүүлдэг. Унтах нь зайлшгүй хэрэгтэй бөгөөд үүнгүйгээр бид үр дүнтэй ажиллаж, эрүүл амьдарч чадахгүй. Энэ нь бидний хувьд юм идэх, уух, амьсгалах зэрэгтэй адилхан амин чухал амьдралын хэрэгсэл болдог гэдгийг битгий мартаарай.
